سياسة الخصوصية

بتصفحك للموقع

بتصفحك لموقع ايجي X أنت موافق على السياسة دي وعلى استخدام الكوكيز. لو مش موافق، من فضلك ما تكملش التصفح.

الكوكيز وإيه اللي بنستخدمه

كوكيز ضرورية علشان الموقع يشتغل: الدخول لحسابك، اللغة، المظهر الغامق والفاتح، والباس كي، وكوكي للجهاز بيحمي الحسابات من المحاولات الغلط المتكررة.

لو سبت علامة «افتكر رقمي وطريقة دخولي» وقت الدخول، رقمك واسمك الأول وطريقة دخولك بيتحفظوا على جهازك إنت بس، مش عندنا، وكلمة السر عمرها ما بتتحفظ. «مش أنا؟» في صفحة الدخول بيمسحهم.

إحصائيات من عندنا إحنا: صفحات اتشافت، وقت القراءة، وضغطات الواتساب، علشان نحسّن الموقع. طول ما إنت بتتصفح من غير ما تكلمنا، الإحصائيات دي مش مربوطة باسمك ولا برقمك.

بنسجل ملخص لزياراتك للموقع من غير اسمك ولا رقمك (الصفحات اللي شفتها وجيت منين ومدينتك التقريبية من عنوان الشبكة، من غير ما نحفظ العنوان نفسه)، وبيتشارك مع نظام المركز علشان نحسّن خدمتنا وإعلاناتنا. ولو كلمتنا واتساب أو اتصلت بينا من الموقع، الملخص ده بيتربط بيك.

لما تكلمنا على واتساب أو تتصل بينا من الموقع أو تدخل بحسابك، زياراتك للموقع بتترّبط برقم موبايلك، وملخصها بيروح لنظام المركز علشان نتابع طلبك، وعلشان نعرض إعلاناتنا للناس اللي مهتمة. تقدر تطلب إن ده يتشال عن طريق خدمة العملاء.

أدوات إعلانات (ميتا، تيك توك، جوجل) علشان نعرف إعلاناتنا بتجيب نتيجة. الأدوات دي ليها سياساتها الخاصة.

البيانات اللي بنجمعها لما تتعامل معانا

لما تحجز أو تفعّل ضمان أو تعمل حساب: اسمك، ورقم موبايلك، وبيانات عربيتك. بنستخدمها لتنفيذ الخدمة والضمان والتواصل معاك بخصوصها بس.

صور عربيتك اللي بتتصور في المركز بتظهر في حسابك وصفحة التتبع الخاصة بيك، ومش بتتعرض للعام إلا بموافقتك.

صفحة «عربيتي»: العربية والتذكيرات بتتحفظ على جهازك. لو فعّلت الإشعارات بس، بنحفظ العربية والتذكيرات والمحافظة واشتراك الإشعارات من غير رقم ولا اسم، وبتتمسح لما توقّف الإشعارات أو لو ما فتحتش الصفحة 6 شهور.

مين بيشوف بياناتك

فريق المركز اللي بيخدمك، ونظام إدارة المركز بتاعنا. مش بنبيع بياناتك لأي حد.

مقدمو خدمات بنستخدمهم لتشغيل الموقع (استضافة، رسايل واتساب) بيشوفوا اللي محتاجينه بس علشان الخدمة تشتغل.

حقوقك

تقدر تطلب نسخة من بياناتك أو تعديلها أو مسح حسابك في أي وقت عن طريق خدمة العملاء على واتساب: +201094683684.

تقدر تمسح كوكيز الموقع من إعدادات متصفحك في أي وقت.

الأمان

الموقع بيشتغل بـ HTTPS، وكلمات السر مشفرة، وأكواد التحقق بتنتهي بعد دقايق، والباس كي بيخلّي دخولك ببصمتك من غير كلمة سر.