أفلام الحماية PPF

يعني إيه فيلم حماية PPF؟ وبيحمي من إيه؟

فيلم الحماية PPF (Paint Protection Film) طبقة شفافة أو مطفية بتتركّب على دهان العربية، سُمكها من 190 لـ 230 ميكرون، وبتاخد هي الخدش والضربة بدل الدهان.

• بيحمي من: ضرب الطوب والحصى على الطريق، وخدوش الغسيل والاحتكاك اليومي، وفضلات الطيور وعصارة الشجر.
• ما بيحميش من: الحوادث والخبطات القوية، لأن دي بتوصل للصاج نفسه مش للدهان بس.

والأفلام الحديثة فيها خاصية المعالجة الذاتية (Self-Healing): الخدوش الخفيفة اللي على سطح الفيلم بتختفي مع الحرارة.

سعر فيلم الحماية كام حسب النوع؟

العربية كلها من 25,000 لـ 45,000 ج.م حسب نوع الفيلم، والأجزاء من 8,500 ج.م. ده سعر الفيلم كخدمة لوحده، والسعر النهائي بعد المعاينة، والمعاينة ببلاش.

الخمسة متاحين عندنا دلوقتي: 3M وXPEL وHEXIS وSTEK Dyno وCovestro، وجدول الأسعار والضمان في الصفحة دي. ولو محتار بينهم، المقارنة كاملة في أنواع فيلم الحماية في مصر.

3M

فيلم 3M بـ 25,000 ج.م للعربية كلها، وضمانه 10 سنين. ده أقل سعر عندنا مع XPEL، والوش الأمامي بيه 8,500 ج.م. وباقة إكس شيلد فيها فيلم 3M أو XPEL.

XPEL (إكس بل)

فيلم XPEL بـ 25,000 ج.م للعربية كلها، وضمانه 10 سنين. يعني نفس سعر وضمان 3M، والاختيار بينهم ليك. الوش الأمامي بيه 8,500 ج.م.

HEXIS (هيكسس)

فيلم HEXIS بـ 30,000 ج.م للعربية كلها، وضمانه 10 سنين، والوش الأمامي بيه 10,000 ج.م. وهو الفيلم اللي في باقة إكس ماكس.

STEK Dyno (ستيك داينو)

فيلم STEK Dyno بـ 40,000 ج.م للعربية كلها، وضمانه 12 سنة، والوش الأمامي بيه 13,500 ج.م. وهو الفيلم اللي في باقة إكس ماكس برو.

Covestro (كوفيسترو)

فيلم Covestro بـ 45,000 ج.م للعربية كلها، وضمانه 12 سنة، والوش الأمامي بيه 15,000 ج.م. وهو الفيلم اللي في باقة إكس ماكس برو بلس.

سعر الأجزاء بيتحسب إزاي؟

سعر الجزء نسبة من سعر العربية كلها بنفس الفيلم، ومتقرّب لأقرب 500 ج.م:

• تلت السعر: الوش الأمامي، أو الظهر، أو الكابوت والشنطة، أو الاكصدامين والـ 4 رفارف.
• نص السعر: الـ 4 أبواب، أو الوش والظهر مع بعض.

وتقدر تحسب أي جزء بأي فيلم من حاسبة السعر في الصفحة دي.

فيلم الحماية شفاف ولا مطفي؟

الاتنين متاحين وإنت تختار: الشفاف بيسيب لمعة الدهان زي ما هي، والمطفي بيحوّل شكل العربية لمطفي من غير رش. والمطفي متاح في الماركات الخمسة كلها وبنفس ضمان اللامع، وأغلى 5,000 ج.م على العربية كلها، يعني 3M أو XPEL مطفي بـ 30,000 ج.م. التفاصيل في فيلم حماية مطفي.

التركيب بياخد قد إيه؟ وبتتابعه إزاي؟

تركيب الفيلم بياخد من يوم لـ يومين حسب الباقة. وطول ما العربية عندنا بتتابعها لايف من موبايلك، مرحلة بمرحلة: غسيل، وتلميع، وغسيل تاني، وتركيب فيلم الحماية، وتشطيب خارجي ونانو، وتشطيب داخلي ونانو، والتسليم. شكل اليوم كله في مراحل تركيب فيلم الحماية.

ضمان فيلم الحماية كام سنة؟

10 سنين على 3M وXPEL وHEXIS، و12 سنة على STEK Dyno وCovestro. والضمان رقمي وإنت اللي بتفعّله بنفسك. كل التفاصيل في صفحة الضمان الرقمي.

فيه متابعة بعد التركيب؟

أيوه: أول متابعة بعد 10–15 يوم من التركيب، وبعدها كل 6 شهور، وكلها ببلاش. نصايح العناية في دليل العناية بعد الحماية.

فيلم لوحده ولا باقة؟

الفيلم لوحده بيحمي الدهان، والباقة بتجمعه مع نانو وعزل حراري للزجاج. وفي باقات إكس ماكس واللي فوقها، طبقة الجرافين بتتحط على الدهان تحت الفيلم، وضمانها مع الفيلم 10 سنين. ولو الفيلم اتشال في يوم، الجرافين بيفضل سليم وكأنه لسه بادئ عمره. شوف باقات الحماية الأربعة، أو اعرف أكتر عن الجرافين والنانو سيراميك.

قبل ما تقرر

• قلقان من الفيلم على الدهان أو على ضمان الوكيل؟ جاوبنا عليهم في 8 أسئلة قبل تركيب فيلم الحماية.
• فيلم ولا نانو سيراميك؟ الفيلم بيصد الخدش والضربة، والنانو لمعة وسهولة تنضيف. المقارنة في الفرق بين فيلم الحماية والنانو سيراميك.
• عايز تتأكد إن الفيلم أصلي؟ اقرا إزاي تعرف إن فيلم الحماية أصلي.
• عايز تشوف شغل؟ دي عربيات اتركّب لها فيلم حماية عندنا.